პროექტები

2021 წლის 5-7 ნოემბერს სასტუმრო ბორჯომი - ლიკანში გაიმართა სამუშაო შეხვედრა საქართველოს ხელისუფლების სხვადასხვა სტრუქტურების წარმომადგენლებისათვის თემაზე: „სამშვიდობო პროცესი ხისტი ფორმატების მიღმა: საერთაშორისო პრაქტიკის გამოცდილების გაზიარება. ჩრდილოეთ ირლანდიის მაგალითი“.

სამი დღის განმავლობაში ჩრდილოეთ ირლანდიიდან მოწვეულმა ექსპერტებმა, რომლებიც უშუალოდ იყვნენ ჩართული მოლაპარაკებებისა და კონფლიქტის დარეგულირების პროცესში, მონაწილეებს მიაწოდეს ინფორმაცია კონფლიქტის ისტორიულ კონტექსტზე, სამშვიდობო პროცესების სხვადასხვა ეტაპებზე, არაფორმალური მოლაპარაკებების როლსა და სამოქალაქო საზოგადოების, მათ შორის ქალთა ორგანიზაციების ჩართულობაზე; განსაკუთრებით მნიშვნელოვანი იყო სესიები, სადაც ექსპერტებმა მონაწილეებს გაუზიარეს ინფორმაცია ჩრდილოეთ ირლანდიის სამშვიდობო პროცესებში საკუთარი როლისა და მიღებული გამოცდილების შესახებ.

2020 წლის სექტემბერიდან დეკემბრის ჩათვლით გეოპოლიტიკური კვლევების საერთაშორისო ცენტრმა ფონდ "პროდემოსთან" თანამშრომლობით  განახორციელა პროექტი "დეზინფორმაციის კვალდაკვალ".

პროექტის მიზანს წარმოადგენდა 2020 წლის  საპარლამენტო არჩევნებისათვის საქართველოში  რუსეთის მიერ ახალი დეზინფორმაციული ნარატივების გამოვლენა საზოგადოებრივ ჯგუფებში და მათ შესახებ მოსახლეობის ინფორმირებულობის ხელშეწყობა. ასევე, ამ ფონზე, საზოგადოების დამოკიდებულების გარკვევა საქართველოს პარტნიორი ქვეყნებისა და ევროატლანტიკური ინტეგრაციის მიმართ.

ორგანიზაციის მიერ მოხდა სპეციალური კითხვარის შემუშავება და მისი დახმარებით  საზოგადოებრივი მოწყვლადი ჯგუფების გამოკითხვა; პარალელურად, პროექტის განმავლობაში, მასობრივი ინფორმაციის საშუალებით ან სხვაგვარად გავრცელებული დეზინფორმაციის საპასუხოდ ხდებოდა მოკლე ვიდეოკლიპების ჩაწერა კვალიფიციური ექსპერტის,  სახელმწიფო უწყების წარმომადგენლის ან პარტნიორი ქვეყნის ელჩის მიერ და სოციალურ ქსელში გავრცლება.

Covid-19 პანდემიის დროს, როდესაც მთელი მსოფლიოს ყურადღება პანდემიის წინააღმდეგ ბრძოლისკენ არის მიმართული, განსაკუთრებით გააქტიურდა რუსული დეზინფორმაცია საქარველოსა და მისი პარტნიორების მიმართ.

2020 წლის 30 აპრილიდან 30 ივნისამდე  გეოპოლიტიკური კვლევების ცენტრი ახორცილებდა პროექტს: "დისკუსიები რუსეთის დეზინფორმაციის საპასუხოდ".

დისკუსიების თემები იყო: საქართველოს ადგილი თანამედროვე საერთაშორისო ურთიერთობებში- საგარეო ურთიერთობების პრიორიტეტები, ეკონომიკურ უსაფრთხოება და დიპლომატია, საერთაშორისო ორგანიზაციებთან და სტრატეგიულ პარტნიორებთან თანამშრომლობის მნიშვნელობა; რუსეთის საგარეო პოლიტიკა და რბილი ძალა, როგორც რუსული პოლიტიკის განხორცილების ერთ-ერთ ინსტრუმენტ; რუსეთის საგარეო პოლიტიკა და დეზინფორმაცია; რუსეთიდან მომდინარე კიბერსაფრთხეები და მათი პრევენციის გზები.

2019 წლის განმავლობაში  გეოპოლიტიკური კვლევების საერთაშორისო ცენტრმა NATO-ს სამეკავშირეო ოფისთან თანამშრომლობით განახორციელა პროექტი: "NATO-ს წარმატების ისტორია 2019" - ქვეყნები ალიასში გაწევრიანებამდე და გაწევრიანების შემდგომ, უსაფრთოების გარანტიები და ვალდებულებები ალიანსის მიმართ.

პროექტის მიზანს წარმოადგენდა NATO-ს შესახებ ცნობიერების ამაღლება NATO-ს სამეკავშირეო ოფისის წარმომადგენლებთან, ალიანსის წევრი ქვეყნების ელჩებთან, საქართველოს ოფიციალურ პირებთან და ექსპერტებთან საჯარო შეხვედრების და დისკუსიების მეშვეობით.

2019 წლის 25-27 ოქტომბერს გეოპოლიტიკური კვლევების საერთაშორისო ცენტრის - ICGS (საქართველო) ორგანიზებით და მარტი ახტისაარის სახელობის ფონდის - "კრიზისების მართვის ინიციატივის" - CMI (ფინეთი) თანამშრომლობით, კაჭრეთში, სასტუმრო "ამბასადორში" გაიმართა რიგით მე-4 ტრენინგი მაღალი რანგის საჯარო მოხელეებისათვის სამშვიდობო მოლაპარაკებების წარმართვასა და კონფლიქტების დარეგულირებაში. ამჯერად, ტრენინგის თემა იყო "ცეცხლის შეწყვეტის ხელშეკრულების იმპლემენტაციის საკითხები".

2018 წლის 10 ოქტომბრიდან გეოპოლიტიკური კვლევების საერთაშორისო ცენტრმა NATO-ს სამეკავშირეო ოფისთან თანამშრომლობით დაიწყო პროექტი: "NATO-ს წარმატების ისტორია" - NATO-ს წარმატებული ტრანსფორმაციის ისტორია: ქვეყნები ალიასში გაწევრიანებამდე და გაწევრიანების შემდგომ, უსაფრთოების გარანტიები და ვალდებულებები ალიანსის მიმართ.

პროექტის მიზანს წარმოადგენდა NATO-ს შესახებ ცნობიერების ამაღლება  NATO-ს სამეკავშირეო ოფისის წარმომადგენლებთან, ალიანსის წევრი ქვეყნების ელჩებთან, საქართველოს ოფიციალურ პირებთან და ექსპერტებთან საჯარო შეხვედრების და დისკუსიების მეშვეობით.

დავით აღმაშენებლის სახელობის ეროვნული თავდაცვის აკადემიამ გეოპოლიტიკური კვლევების საერთაშორისო ცენტრის მიერ შემუშავებული სახელმძღვანელო "საქართველოს თავდაცვის სამინისტროს ატაშეებისა და წარმომადგენლებისათვის" გამოსცა.

სახელმძღვანელო მოიცავს თავდაცვის სამინისტროს მიერ უცხო ქვეყანაში აკრედიტებული თავდაცვის ატაშეებისა და წარმომადგენლებისათვის აუცილებელ საკანონმდებლო ბაზას, საქმიანობის თავისებურებებს, ეტიკეტისა და საქმიანი მიმოწერის სპეციფიკას.