2012 წლის 19 ოქტომბერს უკრაინის დედაქალაქ კიევში გაიმართა პროექტის "უსაფრთხოების ბარომეტრი" მეორე ნაწილის ფარგლებში ჩატარებული კვლევის შესახებ პრესკონფერენცია. პრესკონფერენციაში მონაწილეობას იღებდნენ გეოპოლიტიკური კვლევების საერთაშორისო ცენტრის მხრიდან თენგიზ ფხალაძე და თორნიკე შარაშენიძე, და, უკრაინის საჯარო პოლიტიკის ინსტიტუტის ხელმძღვანელი ვლადიმირ ჩუმაკი.

ორგანიზაციების მიერ წარმოდგენილი კვლევა მოიცავს 2012 წლის მაისი-აგვისტოს პერიოდს  და საშუალებას გვაძლევს თვალი მივადევნოთ ამ პერიოდში საქართველოსა და უკრაინაში უსაფრთხოების მდგომარეობის ევოლუციას, რამდენად ახდენს გავლენას ქვეყნების უსაფრთხოების ხარისხზე როგორც გლობალური, ასევე საშინაო ფაქტორები.